Togo

From Wiki fe Globasa
Jump to navigation Jump to search
Togoli Jumhuri
Republique Togolaise
Flag of Togo.svg
Bandera
Emblem of Togo.svg
Dalutul
Togo on the globe (Africa centered).svg
Cuyoxaher Lome
Demoje 8 608 444
Resmi basa Fransesa

Togo, or Togoli Jumhuri (Fransesa: Republique Togolaise) fol resmi name, is dexa in Afrikali garebi.

Xorfe cennyan 11 finfe 16 doyan etnotim le xorogar in hin zona. Xorfe cennyan 16 finfe 18 kostali zona le is centra de gulamli xogyo. Xorfe 1884 Doyci le krasia hin zona. Xafe Globali Jange Un Franse le cudu krasia fe Togo. Togo le ikawkalcu fe 1960.

Jangetimli krasiayen Gnassingbé Eyadéma le bawlupul krasia Togo dur kriban 40 nyan xorfe 1967. Tesu bete Faure Gnassingbé le iscu presidiyen xafe Eyadéma su morcu fe mesi 2, 2005. Jangetim le sahay te ji posjui krasiamen.

Geografi

Togo is dexa in Afrikali garebi. Tosu peryaje is 56 785 km². Of hinto 2 400 km² bekoberi sui. Hay tiga jali dexa wey Togo. Fe garebi hay Gana (1098 km fe dexali byen), fe utara hay Burkina (131 km) ji fe dongo hay Benin (651 km). Fe sude hay Atlanti Bahari. Kosta lungo fe 56 km.

Maxim gao loka is Mont Agou fe 986 m. Demo maxori ogar in sude nere fe Atlanti kosta.

Demo

Demoje is 8 608 444 (tahmini fe 2020). Hay dacu 37 etnotim in Togo. Fransesa is resmi basa in Togo. Dua denlokali basa of sude is nasyonli basa. Dini de 43.7% fe demoje is Kristoismo.

Ren tahmini ki demoje de Togo fe 2010 le careple dayo kom fe 1960. Kriban 60% fe demoje minmo lawo kom 25 nyan. 42.8% ogar in xaher fe 2020.

Krasia

Togo is presidiyenli jumhuri. To le ikawkalcu of Franse fe 27 de mesi 4, 1960. Hin dina is nasyonli jaxneli dina. To name "ikawkalyali dina".

Presidiyen Faure Gnassingbé is dexakef xorfe 4 de mesi 5, 2005. Victoire Tomegah Dogbé is krasiakef xorfe 28 de mesi 9, 2020.

Demo seleti Presidiyen har tupyoya. Jandan maxoriya kufi cel na triunfa. Tupyoya beorganisa fe moy lima nyan.

Ofatalar


Dexa in Afrika
AngolaBeninBotswanaBurkinaCadiCentrali AfrikaEkwatorali GineEritraGabonGambiGanaGineGinebisawItyopiJazairJibutiKaboverdeKamerunKenyaKomoriKongobrazavilKongokinxasaKotivwarLesotoLiberiLibiMadagaskarMagribiMalawiMaliMasriMawrisMozambikiMuritaniNamibiNayjeriNijerRundiRwandaSan Tome ji PrinsipeSeycelSenegalSyeraleonSomaliSudanSudeli AfrikaSudeli SudanSwatiniTanzaniTogoTunisiUgandaZambiZimbabwe